11.7kg!!

 我Del Del仔經過大半年嘅努力，張減肥成績表響2013年底總算見得人。我照舊一日兩餐，但每餐份量減半至半杯糧，食極都唔飽，由高峰嘅12.8kg捱到家陣11.7kg!!（128好意頭好多) 

距離醫生開嘅目標11kg仍有好大距離，我盡力試下啦。

大家望真d,其實我條腰已經出番哂嚟㗎啦。我去多d彭福嘅話，我巧有信心實達標！

Merry Christmas!

一睇我個樣，就知我唔鐘意戴帽啦。

簡簡單單，只有兩頂有節日氣氛嘅帽。各位狗仔，聖誕快樂！

電腦加工後好樣好多。

小波波頭

兩星期前特登請假先有機會book到 b dog幫Del Del 剪毛。

佢又係去到門口就死橕住，唔肯行入去，要人捉先得。

一路都好想試波波頭，但自知冇咁好心機幫佢打理，兼且有排留長。結果，就試住個小波波先啦。

今次都順便做埋泥媽屎。三個半鐘後，Del Del 就由庶民look變身王子。

減肥失敗

經過3個多月嚟嘅地獄式減肥，我一日兩餐嘅份量被人減半，搞到我日日都要等開飯。點知咁辛苦都先至減咗0.1kg, 依家重12.7kg,距離基本目標11kg仲有巧大截。醫生話我要每日散步起碼半個鐘，再減量之餘，仲要小食多餐。

請勿打擾

Del Del的新竇。佢係咪以為冇人見到佢呢？！

彭福秋遊

昨日先去榮昌食lunch, 之後就去了彭福，天氣好到不得了，有陽光，乾爽，唔熱。但出奇地冇乜人同狗，冇夏天時咁熱鬧。

Del Del去到彭福見到其他99都冇乜介心，自己周圍去聞，不過冇乜點跑，可能佢仲係太肥。

迫佢跑跑下，就見佢個口飛d水出黎，跟住佢自己就跑去一處休息，覊住一隻哥姬兜冰水飲。

呢隻柴犬自己跳上黎八掛。

休息夠後，又再落地。見到好多朱古力色嘅poodle. 仲見到啱啱去完b dog扮靚嘅long long。

D人見到del del都話佢乖，好肉地，c忽好大。kakaka

我有受傷架

幫Del Del check真啲，佢後腿內側有兩條抓痕，左耳後面有一大粒的結焦，仲有少少滲血。現場幫佢check時佢又冇叫冇剩，仲以為佢冇事。如果響cafe時制止遲一步，del del應該傷得好慘。

真係心痛死。

以後出街見到大狗都要小心啲。

恐怖星期日

今日被人帶咗去好細嘅九龍仔狗公園，細到冇朋友都算啦，嗰度d大狗真係唔當我係朋友，見我新嚟新豬肉就𡁻我，搞到我大叫，跳上櫈唔敢落地。留咗一陣就走咗。

之後就去何文田On Dog Dog Cafe醫肚。點知又係另一惡夢。嗰度其中一隻PR 狗husky，一見到d興奮嘅99就唔順超。我結果就成咗犧牲品。佢響窗枱沖落嚟切我，我即刻狂叫，老闆就過黎扯開隻husky，同我say sorry。跟住，我跳上梳化等人保護，其他哥哥姐姐同我反，我先開心番d。但有隻超貪玩嘅小比熊係咁聞我，撩我玩，搞到我更加驚，冇落過地，

老闆話我要同多d狗狗接觸至得:(

巧悶吖

個個返哂工，又茅人同喎反

我的第一blog

歡迎光臨! 大家好，我係Del Del。
我響2011年7月20日出世。
我最鍾意食、玩、訓。
我心愛嘅玩具有菠蘿包、蕉蕉、棒棒、波波。
我識 sit, single hand hand, double hand hand, high 5, down 同埋飛身接波波。 
多多指教!